We will see Him

Die volgende goed gebeur in Matt 14: Johannes die doper se dood word aan Jesus vertel, Hy gaan na 'n stil plek toe om alleen te wees, die mense volg Hom, Hy maak baie van hulle gesond en gee vir meer as 5000 mense kos, daarna bly Hy alleen agter. Die volgende more loop Hy op die water na sy dissipels toe, hulle aanbid Hom en waar hulle aan wal gaan keer Jesus nie dat die mense van oral kom om deur Hom genees te word nie. So die opsomming van die hoofstuk vir my is: Johannes die doper se dood laat Jesus besef dat die tyd van sy eie lyding naby gekom het. Van hier af gaan Hy geen geheim meer maak van wie Hy is nie, en sy lyding gaan daarom binnekort verskerp. Die gedeelte oor Johannes se dood lees soos 'n riller. Herodes hou 'n partytjie waarby Herodias se dogter toe so verlydelik gedans het dat Herodes haar wou beloon. Hy lê toe 'n eed af om vir haar enige iets te gee wat sy vra... al vra sy vir die helfte van sy koninkryk. Sy vra toe die een ding wat 'n Hero...